الرئيسيةوجه نظرما الذى يجعل الحب ينتهى

ما الذى يجعل الحب ينتهى

تساؤل يدور ف ازهاننا جميعا ولا نجد له إجابة محدده

ف إجابة هذا السؤال تختلف من شخص لأخر ومن ظروف لأخرى

ف من وجهت نظرى من الشخص حينما يقول إنه يحب يعنى بيحب بجد من جوا أعماق قلبه ف كيف بعد هذا الحب العميق مينجحش ! او ينتهى بالفراق؟؟؟

لذلك ذهبت إلى صديقه لى طبيبه نفسيه وطرحت عليها تساؤلاتى

قالت لى ” بصى هفهمك حاجة مش دايماً الحُب الزايد بيكون حاجة كويسة لان مش كل الناس بتعرف تحب ‘ بزيادة ‘ ف بالتالى هيبقى الطرف اللى بيحب بزيادة حاسس إنه حُب من طرف واحد مع إنه ممكن جداً ميكونش كده !

ممكن جداً يكون الطرف التانى هو حُبه معتدل ..و دى درجات بتفرق حسب الشخصية

زى ما ممكن تلاقى شخصية رومانسية جداً و شخصية مبتعرفش تعبر عن مشاعرها على أرض الواقع !

الموضوع كله شخصيات مش أكثر

بس اللى بيفرق فى الموضوع بجد بقى مش هو درجة الحُب ولا إذا كان زى ما قولتى من جوا أعماق قلبه ولا لاء..

اللى بيفرق حقيقى هو الإصرار و التمسك بس..

ممكن تلاقى إتنين مرتبطين واحد هادى جداً جداً و البنت مجنونة ‘مش بالشكل المرضى’ بس بتروح و تيجى و تضحك و تهزر و إجتماعية جداً و هو العكس تماماً و مع ذلك تلاقيهم مرتاحين مع بعض و و مبسوطين !

هى دى الفكره إنى شوفت إختلافك عنى يكملنى مبيتعارضش مع شخصيتى !

و عندهم إصرار من جواهم إن فعلاً الحُب اللى بينا أكبر من إختلاف شخصياتهم..

و ان يكون تمسكك بالشخصية اللى معاكى أكبر من حُبك ليها أو بمعنى أصح على قد حُبك بتتمسكى و كل ما تتمسكى أكتر كل ما هتحب أكتر مش العكس !

وقالتلى ياما ناس بيكونوا بيحبوا فعلاً بس مش متمسكين باللى بيحبوهم مع أول مطب بتلاقى العلاقة كلها اتهزت و ارتبكت !

وقالتلى نصيحه من الأخر علشان ترتاحى متدوريش على اللى بيحبك بمكالمات و خروجات و فسح و كلام حلو ! دورى على اللى عايزك و متمسك بيكى و مستعد يعمل أى حاجة علشان يكون جنبك !
ورجعت قالتلي اقولك حاجه افضل عشان متتعبيش قلبك..

متدوريش خالص اللى هايبقى عايزك هايمد إيده فى بوء السبع علشان ياخدك و هو مش ضامن يا ترى هيطلع بيكى ولا السبع هياكل إيده..

هو ده اللى يستاهلك و بيحبك من قلبه و فى الواقع و لو راح المريخ هيفضل يحبك..

لكن اللى بيتحجج بخوفه و ظروفه صدقينى مهما كان بيحبك هو ميستاهلكيش ! فاهمة حاجة ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *